KALIBO, Aklan–Kabilugan nga naging matawhay ro selebrasyon it kapiestahan ni Sr. San Juan de Bautista ko Hunyo 24 sa banwa it Kalibo.
Suno kay Kagawad Kim Melgarejo it Poblacion, Kalibo nga owa sanda it nailista nga mabahoe nga insidente kapareho it pagkaeumos.
Maskin sigon ro trapiko ag mga daeanon hay maayos ro naging daeagan.
Makabig suno kana nga masadya ag matawhay ro selebrasyon makaron nga dag-on kumpara kat owa pa it pandemya.
Ma-obserbahan man sigon sa mga baybayon it banwa nga bukon it masyadong crowded ukon puno it mga beachgoer.
Ginpahayag pa kara nga umpisa alas-6:00 it agahon hay gin-activate eon nanda ro Barangay Risk Reduction Management Office kaibahan ro mga katapo it Bureau of Fire Protection (BFP) Special Rescue Force para masiguro ro kaeuwasan it publiko.
