Nagapabilin nga bastante ro suplay it harina makaron nga dag-on.
Raya ro gintaw-an it punto it Philippine Association of Flour Millers (PAFMIL) kabaliskaran sa mga report nga nakaangkon it kakueangan it harina sa nasyon.
Apang, gipahayag it PAFMIL nga eauman nga padayun ro pagtaas it presyo it mga tinapay bangud sa sigidas nga pagmahae it harina sa tunga it naga-lobong presyo it wheat ukon trigo sa International market.
Dugang pa ni PAFMIL executive director Ric Pinca nga ro nakikita nanda nga rason sa pagtaas it presyo it trigo sa pilang nasyon nga nagapangunang wheat exporter hay ro nagapadayun nga giyera sa tunga it Ukraine ag Russia, export ban it India ag tig maea-ea sa Amerika.
Samtang, ginpaathag pa it PAFMIL nga nagapangatubang eon ro kalibutan sa ‘food crisis’ ag maskin maabu nga supply it wheat hay masobra katunga man kara ro owa pa na-e-export.
