NATIONAL News —- Ginbalik sa presuhan matapos makaguwa sa Manila Doctors Hospital sa Manila si outgoing Senator Leila De Lima kasunod it madineag-on nga operasyon kan-o eamang.
Madumduman nga ko nagtaliwan nga domingo, ginpasugtan it korte ro mosyon it senadora nga maga-opera matapos makitaan it pelvic organ prolapse stage 3 kun sa siin, pwede imaw nga magpaidaeum sa major surgery umpisa Hunyo 19 hasta 25.
Nagtau man it clearance ro korte agud nga mapaeawig ni de Lima ro pagpabilin sa ospital apang nagdesisyon raya nga magguwa eon lang it ospital ko domingo.
Gin-escortan it mga pulis pasakay it sangka coaster van ro senadora pabalik sa Philippine National Police (PNP) Custodial Center sa Camp Crame kun sa siin raya nakakulong.
Si de Lima hay naaresto ko February 2017 matapos maeakot ro pangaean kara sa operasyon sigon it iligal nga droga sa sueod it New Bilibid Prison (NBP).
