KALIBO, Aklan—Ginpangunahan ni Senate Majority Leader Juan Miguel Zubiri ro pormal nga pagpanumpa ni Governor-elect Jose Enrique M. Miraflores bilang gobernador it probinsya it Aklan sa ABL Sports and Cultural Complex, Capitol Site sa banwa it Kalibo.
Sa naging diskurso ni Zubiri, ginpasaeamatan nana ro mga opisyales nga nagbulig sa anang kandidatura kamana man sa mga pumueoyo nga nagboto kana ko nagtaliwan nga May 9 national and local elections.
Suno kana, maeapit ro probinsya it Aklan sa anang tagipusuon kon siin ginhinyo kara ro kooperasyon it tanan nga elected officials para sa ikaumwad it nasyon.
Ginpasiguro kara ro anang suporta sa mga opisyales it Aklan sa tuyo nga pagpauswag it probinsya partikular sa mga nakataeana pang development sa pihak nga una pa ro nasyon sa tunga it pandemya.
Madumduman nga si Zubiri hay sambilog sa mga re-elected senadors nga nagdaog ko nagtaliwan nga eleksyon.
