Temporaryong ginpapundo it Supreme Court (SC) ro substitution para sa pagpungko sa Kongreso it P3PWD Partylist nominee nga si dating Comelec Commissioner Rowena Guanzon.
Raya hay matapos magpaguwa ro SC it temporary restraining order ukon TRO para pagataw-an it kahigayunan ro petition nga ginpasaka it by Duterte Youth Partylist Rep. Ducielle Marie Cardema ag anang mister nga si Ronald Cardema.
Ro P3PWD hay nakaboue it sangka pungkuan sa incoming 19th Congress.
Ginapatihan nga ro limang orihinal nga mga nominees it P3WPD partylist hay nag-resign ag nagsumite sa Comelec it bag-ong mga pangaean kaibahan eon gid si Guanzon.
Kung siin gintaw-an it igtueopangod it Duterte Youth Partylist ag ginkuwestyon ro Comelec resolution nga nagpasugot kay Guanzon nga maging substitute.
Samtang,ginhinyu man it korte kay Guanzon ag Comelec nga magkomento sa petisyon sa sueod it 10 diyas.
Bilang reaksiyon ginpayahag man ni Guanzon ag Comelec nga magasunod sanda sa mandu it korte.
