Nagakatabu ro sprain kon ro litid ukon tendon nga nagakonekta sa sangka toe-an sa kasu-kasuan hay naunat ukon nagisi.
Kaeabanan nga naapektuhan kara hay ro sakong ukon buko-buko.
Ro mga dapat nga obrahon kon makaangkon it sprain.
Ipahuway ro napaki nga parte it daywang adlaw; butangan it cold compress ukon yelo ; kon naka-eubog, alsahon ro parte it siki agud nga indi masyadong maghaeok.
Sa pihak nga parte , ro fractures ukon bali sa siki.
Ro stress fracture sa siki hay kapareho it hairline crack sa toe-an.
Kaeabanan nga raya hay bangud sa pauman-uman nga paggamit it pwersa, kapareho it pauman-uman nga pag-eumpat ukon ro pagdaeagan nga ginagamitan it mabaskog nga impact kapareho it basketball ukon track and field.
Mga dapat nga obrahon, pabay-an anay nga magmayad ro fracture nga indi magnaba sa sang buean.
Maggamit it bakulo base sa kon siin ro apektadong parte; likawan anay ro mga oeobrahon nga ginagamitan it mabaskog nga impact sa sueod it 6 nga domingo hasta it pilang buean, base sa lokasyon it apektadong parte ag laygay it doktor.
