Travis Barker nagpahayag eon angot sa anang pagka-ospital

Nagpahayag eon ro mag-asawang Travis Barker ag Kourtney Kardashian angot sa ginakabig nanda nga emosyonal ag makahaeadlok nga dominggo.

Sa andang social media hay nagpost ro Blink 182 drummer nga si Barker kung ham-an raya gindaea sa ospital.

Suno kana, nagpaidaeom imaw sa endoscopy ag una eon imaw sa mayad nga kahimtangan.

Apang, nakabatyag sigon imaw it grabeng pagpaeanakit sa anang eawas rason nga gindaea imaw sa ospital.

May una sigon nga maisot nga polyp nga ginbuoe sa anang tuo nga porsyon it sensitibong parte it eawas nga ginahimo eamang it mga espesyalista.