Ginkilaea bilang bag-ong WBC Asia Featherweight Champion ro Cordilleran boxer nga si KJ Natuplag matapos karang patumbahon pamaagi it sangka solid left hook sa 2nd round it hampang kontra ro Thai boxer nga si Attanon Kunlawong nga ginpatigayon sa Dubai, UAE.
Pahayag ni Natuplag, nga owa nana gineauman nga maging madasig eamang ro andang hampang.
Dugang pa nana kara nga nagbunga ro anang ginhimu nga hugot nga pag-ensayo para patumbahon si Kunwalong.
Si KJ hay tumandok it Ifugao province ag nagsirbe sa makaron bilang fitness ag boxing trainer sa Dubai.
Samtang, sa makaron si KJ hay may napueong daog, pitong piyerde ag daywang draws sa anang professional boxing career.
Sa pihak nga parte,masunod kara nga ginapahauman ro unang kahigayunan kara nga madepensahan ro anang boxing belt sa Setyembre makaron nga dag-on.
