Ginpasakaan it multa it Wimbledon sanday tennis star Nick Kyrgios ag Stefanos Tsitsipas.
Raya hay matapos ro natabo nga pagsilinangag nanda kat sanda hay mag-atubang sa ikatlong round it torneo.
May una nga $10,000 nga multa ro world number 5 nga si Tsiptsipas bangud sa unsportsmanlike conduct.
Ginakabig nga raya eon ro pinakamabahoe nga multa nga naipasaka it Wimbledon sa sangka player.
Maskin nga nagpangayo eon it pagpasaylo ro Australian player matapos nga tamaan ro bola sa stands hay owa pa gihapon raya ginpaeampas it mga organizers.
Samtang, ro Greek player nga si Tsitsipas hay ginpasakaan it $4,000 nga multa bangud sa pagpakamaeo.
Apisar nga una eon sanda sa guwa it court hay padayun pa gihapon ro andang ginahimo nga pagbaeayluhan it mga maeain nga tinaga.
