Ginpahayag ni Philippine Ambassador to the US Jose Manuel Romualdez nga owa it mga Pilipino sa makaron ro naireport nga nadamay ukon naninahan sa mass shooting sa Chicago Illinois USA ku nagtaliwan nga Hulyo 4 kadungan it Independence day parade nga nagtuga it kamatayon it an-um nga katawo ag 36 man ro ninahan.
Suno kay Ambassador Romualdez, nakig-istorya gilaayon si Philippine Consul General Susana Paez sa mga awtoridad apang nagpamalibad anay ro mga raya nga magtao it detalye antes owa pa nabeberipika ro mga biktima.
Suno pa kay Romualdez kapin sa 300,000 Pilipino ro presenteng naga-istar sa Illinois.
Samtang, nagpaandam man ro envoy sa mga Pilipino sa nsambit nga lugar nga maging vigilant ag magdahan sa tanan nga kahigayunan bangud sa nagatinaas nga numero it mga insidente nit Asian hate crimes sa Amerika.
