Gindihon ni Puwersa ng Bayaning Atleta (PBA) Party-list Rep. Margarita “Migs” Nograles ro sangka proposisyong laye nga may katuyuang pagaeawigon ro Republic Act (RA) 9262 ukon ro Anti-Violence Against Women and their Children Act para maeakot ro mga kaeaeakinhan nga nakaka-eksperyensya it domestic abuse.
Mag-euwas pa sa mga battered husbands, ro nasambit nga proposisyon hay magatao man it proteksyon para sa mga miyembro it LGBTQ+ community nga mga biktima man it domestic abuse ag maltreatment.
Engkaso nga maipasa ag maging laye, pagatawgon rayang Domestic Violence Act of 2022.
Sa gindihon nga House Bill 1365, gin-insister it mamalidha nga ro domestic abuse hay hbukon eamang it problema sa mga kababayinhan ag mga onga bangud maabu man sigon ro mga kaso kung siin ro mga biktima hay kaeaeakinhan kamana man it asawang eaeaki ukon gay partners.
Samtang, gusto man it mamalidha nga matapna eon ro diskriminasyon ag domestic abuse ag maka-angkon eon it mas inclusive nga kumonidad kung siin tanan nga indibidwal hay hilway ag paeatas.
