Owa eon it nababatyagang sintomas it coronavirus si Pangueong Ferdinand Marcos Jr suno sa Malacañang.
Suno sa lead doctor nga nagatutok sa ikamayad nga eawas it Pangueo nga si Dr. Samuel Zacate , owa eon it ubo, eagnat, pagbara ag pagpangatoe it ilong nga nae-eksperyensyahan ro Pangueo rason nga asymptomatic eon raya. sa makaron.
Sandig sa obserbasyon it doktor it Pangueo, normal ro vital signs kara ag owa it respiratory distress.
Ginpahayag man ni Pressident Secretary Trixie Cruz-Angeles nga ginaeauman man nga magatapos sa adlaw it Biyernes, Hulyo 15 ro isolation it Pangueo engkaso nga indi eon raya maka-eksperyensya sa uman it senyales ag sintomas it COVID-19 ag indi raya pagaeagnaton sa masunod nga 24 nga oras.
Dugang pa ni Angeles, natapos eon man ni Pangueong Marcos ro anang medications ag haum eon nga magbalik sa anang pisikal nga aktibidad ag engagements apang pagakumpletuhon pa it Pangueo ro anang 7-day isolation kasunod man sa protocol it health department.
