Nagdeklara eon it nationwide state of calamity sa crisis-hit South Asian country nga Sri-lanka pilang oras makataliwan it pagpanaw paguwa it nasyon nga si President Gotabaya Rajapaksa paagto it Maldives.
Owa pa sa makaron it kasiguraduhan kung asta hin-uno magabuhay ro ginpatuman nga state of emergency sa nasambit nga nasyon.
Suno kay Dinouk Colombage, tagapaghambae ni Prime Minister Ranil Wickremesinghe, gindeklara ro emergency sa andang nasyon para madueamahan pa ro presenteng sitwasyon sa andang nasyon eabi eon gid sa police, magapatuman man it indefinite curfew sa bilog nga Western Province kaibahan ro capital it Colombo para makontrol ro maeapnagon nga protesta matapos ro pagtakas it Pangueo paagto itMaldives sakay it military aircraft.
Samtang, nauna eon kara ro pagtakas ni President Rajapaksa kaibahan ro anang asawa ag daywang bodyguards sakay it Antonov-32 military aircraft paagto it Maldives apisar nga owa pa it pormal nga anunsiyo
