NATIONAL News — Gindeklara it Food and Drug Administration (FDA) nga eowas nga kaunon ro mga produkto it Lucky Me sa Pilipinas.
Raya ro ginpahayag it FDA kasunod it ginpaguwa nga Health Safety Warning it Ireland, France ag Malta kontra sa mga Lucky Me! products bangud sa mataas nga lebel it ethylene oxide nga nakita sa produkto.
Apang sa pihak it mga klaripikasyon, pilang produkto it Lucky Me ro nakitaan it ethylene oxide base sa pag-usisa it independent laboratory sa Vietnam.
Raya hay ro Lucky Me! Pancit Canton kalamansi variant nga may una nga 0.02 mg/kg it ethylene nga gina-usisa eon makaron it FDA.
Ro mga produkto man it Lucky Me nga owa it nakitang ethylene oxide hay ro Pancit Canton Extra Hot Chili, Pancit Canton Regular, Pancit Canton Chilimansi ag Instant Mami Beef Regular.
Ginpamilit it FDA nga ro mga apektadong batch nga naga-angkon it ethylene oxide hay gin-obra sa Thailand ag bukon it sa Pilipinas rason nga owa raya gin-distribute sa nasyon.
