KALIBO, Aklan–Peligro ro daea it grabe nga kainiton nga nae-ekspersyahan sa makaron it mga pumueoyo sa Spain partikular sa mga senior citizen.
Suno kay Bombo International Correspondent Liz Anne Villanueva it Spain nga may mga pilang mga magueang nga indi katakod sa grabe nga init rason it gilayon nga kamatayon.
Kung siin umabot eon sa kapin 500 katawo ro namatay sa nasambit nga lugar bangud sa pagpaeanasa it heatwave.
Pagbabad lang sigon it eawas sa mga baybayon ro sambilog sa mga ginahimu nga pamaagi it mga pumueuyo it Spain para mabuhin-buhinan ro grabe nga kainit nga nae-eksperyensyahan.
Apisar nga gabi-e eon sigon puno sa gihapon it mga pumueuyo ro mga baybayon it Spain.
Kumpara ku mga nagtaliwan nga adlaw makabig nga nagnaba eon ro temperatura sa nasyon apang batyag sa gihapon ro bukon it normal nga init.
Sa pihak nga parte, mabahoe man ro epekto it heatwave partikular sa pagtaas it kuryente bangud sa owa it pahuway ro mga electric fan ag aircon.
