KALIBO, Aklan–Nagpatigayon it assembly ro lokal nga gobyerno it Kalibo sa mga pumueoyo it pabaeay sa Brgy. Briones sa pagpanguna ni mayor Juris Sucro kaibahan ro nagkaeain-eain nga ahensya it gobyerno.
Sa hinun-anon nga ginpatigayon, ginpahayag ni punong barangay Rafael Briones nga ginpaabot nana sa mga dinapit nga bisita ro problema nga nagtuhaw sa pabaeay partikular ro panakawan, kinagamo ag problema sa baye.
Sa makaron sigon nga naga-umpisa eon ro community base monitoring system ukon CBMS survey, uwa it tawo ro kada unit bangud nga idto gihapon sanda naga-istar sa presente nanda nga lugar.
Ro ibang unit hay gamit eamang ro una sa sueod ag ginabisitahan eamang sa oras nga gusto nanda.
Ginpaabot nana dugang sa natungdan ro hinaing it mga unit owners sa ginasugid nga igarefund sigon it LGU ro ginastos nanda sa pag-install it tubi ag iwag.
Mag-eowas kara, nasambit man nana ro magiging pangabuhian it mga pumueoyo nga makasustain sa andang pang adlaw-adlaw nga kinahang-eanon partikular sa pagkaon.
