Pilang ka mga ginikanan, pabor nga ibalik eon ro face-to-face classes

KALIBO, Aklan–Pabor ro pilang ka mga ginikanan nga eubusan eon nga ibalik ro full implementation it face-to-face classes sa mga eskwelahan sa bilog nga nasyon.

Suno kay Virgillo Culas, sangka ama nga manami kung magbalik eon ro in person classes agud nga mas magkantigo ro mga estudyante sa andang leksyon.

Nasaksihan sigon nana ro kalisod it anang tatlong ka mga unga sa pagsabat it module sa baeay bangud owa it manugturo nga naga-giya kanda.

Agud nga masabtan ro mga pangutana, bueos-bueos sigon nga ginatur-an it anang asawa ro andang mga unga.

Ginpahayag dugang nga masyadong maeayo ro pagtinueon-an sa baeay kumpara kung naga-adto ro mga estudyante sa eskwelahan.