Pilang mga mananahi sa probinsiya it aklan ro nagakabaeaka sa posibleng epekto it mandu ni vice president ag department of education secretary sara duterte nga bukon eon it mandatory ro pagsuksok it school uniform sa pagbukas it klase.
Suno kay Melani Rebalde, sangka mananahi sa kalibo shopping center nga hasta sa makaron hay owa pa sanda masyadong nakabawi sa pagpanaeasa it pandemya.
Antes suno kana ro anunsyo ni duterte hay may nabaton eon sanda nga mga bookings nga nagapatahi it bulto nga uniform, apang posibleng makansela.
Makabig suno kana nga peak season kanda nga mga sastre ro pagbukas it klase bangud nga waea-tuo ro mga nagapatahi.
Mag-eowas kara, bangud sa ginaeauman nga pagtipid it mga tawo hay indi eon igapatigayon it deped ro iba pang mga nakasanayan nga school activities kapareho it intramurals ag iba pa.
Samtang, bilang sangka ginikanan sigon hay mas pabor imaw nga nakasuksok it school uniform ro mga estudyante bangud nga disente ag pormal sanda nga tan-awon.
Praktikal man sigon raya bangud nga indi eon kinahangean nga magpili it nagkaeain-eain nga eambong kada adlaw .
