Ginaduso makaron ni Kalibo Sangguniang Bayan member Augosto Tolentino ro sangka resolusyon nga nagasuporta sa Republic Act 11861 ukon ro Expanded Solo Parent Act.
May kaangtanan kara, ginaproponer nana nga maidentify ro mga solo parent sa banwa it Kalibo bangud nga sa nasambit nga laye hay may kinamatarong sanda sa assistance nga ginaprovide it gobyerno.
Kaeakip eon kara ro subsidiya ag 10 percent discount sa mga nagapangunang baeak-eon.
Kinahang-ean sigon nga makilaea ro mga raya pinaagi sa Department of Social Welfare and Development ukon DSWD bangud nga mabahoe ro maibulig it laye kanda.
Madumduman nga uwa nakalipatan ni Pangueong Ferdinand Marcos Jr. sa anang unang State of the Nation Address ukon SONA ro kapakanan it mga solo parent partikular ro mga nagatinguha nga mataw-an it maayos nga bwas damlag nga naga-isaeahanon ro andang mga inonga.
