Pabor ro sangka ginikanan sa planong pagbalik it mandatory nga Reserve Officer Training Corps ukon ROTC sa mga senior high school ag college student nga ginaduso makaron it Department of Education ukon DepEd sa pagpamuno ni Vice President Sara Duterte-Carpio.
Ginpahayag ni Martin Capestrano nga engkasong may kasayuran ro mga pamatan-on sa military training hay madali nanda nga maipakigsukoe ro nasyon engkaso nga makaangkon it kinagamo.
Pamaagi man sigon raya nga makaangkon it disiplina ro mga estudyante nga pwede nandang magamit sa andang pagpangabuhi.
Ginpaathag dugang ni Capestrano nga maprotektahan ro kada isaea engkaso nga makaangkon it gyera bangud nga may background eon sanda sa paggamit it armas.
Aminado imaw nga makagastos sa uniform engkaso nga maibalik ro ROTC apang obligasyon sigon it ginikanan nga maggastos sa pag-eskwela it andang mga onga.
