Ginpabugae ni US President Joe Biden nga naserbi eon ro hustisya matapos kumpirmahon sa anang diskurso sa White House nga sangka drone strike it US ro nakapatay sa lider it Al Qaeda nga si Ayman al-Zawahiri sa Afghanistan.
Suno kay Biden nga indi eon kihangean pa nga magkabaeaka ro mga pumueoyo sa bilog nga kalibutan.
Ro Estados Unidos sigon hay padayon nga nagapakita it andang determinasyon ag andang kapasidad nga protektahan ro pumueoyong Amerikano kontra sa mga tawong nagahana nga maghimu kanda it kahalitan.
Bangud kara, nagpaandam ro Pangueo nga paga-usuyon it Amerika ro sin-o man nga magatuga it peligro sa andang mga pumueoyo apisar kung siin man ukon man-o it buhay sanda ra magpanago.
Samtang, nauna eon nga ginkalipay ni Vice President Kamala Harris ro madinaeag-on nga US military strike kontra kay al-Zawahiri.
Sa pihak nga parte, ginkalipay man it Saudi Arabia ro nasambit nga development.
