KALIBO Aklan–Sangka resolusyon ro ginaduso makaron ni Kalibo sangguniang bayan member Augosto Tolentino nga taw-an it social security system ukon SSS benefits ro mga job orders ag casual employees it lokal nga gobyerno.
Raya hay sa idaeom it KaltaSSS-Collect Program kon siin ro LGU hay pwede nga makipagpartner sa nasambit nga programa it ahensya pinaagi man sa sangka memorandum of agreement.
Ginpahayag ni Tolentino nga oras nga maaprubahan ro nasambit nga proposisyon ag maimplementar hay mabahoe raya nga bulig sa mga empleyado maskin nga katunga eamang ro sabton it munisipyo.
Sa oras nga magmasakit sanda hay may anda man nga kuoton nga pagpabueong ag inde eubusan nga malisdan ro adnang pamilya.
Bukon suno kana it permanente ro trabaho it mga nasambit nga empleyado kon siin nakadepende raya sa administrasyon nga nagasueod ag uwa sanda it benepisyo nga nabubueo sa gobyerno kaparehas it government service insurance system ukon GSIS.
