KALIBO, Aklan–Ginaeauman nga umpisa sa buean it Setyembre hay maga-umpisa eon it pagtao it serbisyo ro Civil Service Commission (CSC)-Aklan sa bag-ong tukod nga edipisyo nga nahamtang sa Aklan State University (ASU) Banga Campus.
Raya hay matapos ro ginpatigayun nga blessing ag inauguration ko Agosto 10 nga gintambungan ni CSC Chairman Karlo Nograles.
Ginpasiguro ni CSC-Aklan Provincial Director Leo Jamorin ro andang pagtao it mas maabu nga serbisyo ag pagpaeapit it mga major services sa mga pumueoyo.
Nakataeana sigon sanda nga magpagguwa it opisyal nga anunsyo kung hin-uno maga-umpisa ro andang operasyon sa bag-ong opisina.
Sa makaron, amat-amat eon nanda nga ginasaylo ro andang mga kagamitan.
Nasayuran nga nag-alokar ro komisyon it kapin sa P7 milyon sa pagpatindog it edipisyo kung siin nagpangayo sanda it assistance sa lokal ga gobyerno it Aklan para matapos ro konstruksyon.
