Ginboue eon it North Korea ro mandato kara nga pagsuksok it face mask ag ginhaeugaan pa ro ibang mga health protocols kontra sa Covid-19.
Madumduman nga gindeklara eon it lider nga si Kim Jong Un sa andang nasyon ro kadaeag-an kontra sa COVID-19.
Ro tikang para sa obligadong pagsuksok it facemask hay ginboue eon sa tanan nga lugar mag-euwas sa mga frontline area ag borderline nga mga lugar, bangud ro bilog nga nasyon hay ginhimu nga sangka epidemic-free zone.
Ginboue eon man ro social distancing ag iba pang mga tikang kontra sa virus mag-euwas sa mga border regions.
Apang, ro mga tawong may mga sintomas it respiratory disease hay ginarekomenda nga magsuksok it mga facemask ag ro mga North Korean hay gin-engganyo nga magbantay kontra sa abnormal nga mga bagay — naga nagatumod sa mga propaganda leaflets sa South Korea.
