Sangka 44-anyos nga misis sa Thailand ro nagahimo it kontrobersiya makaron sa Thai social media matapos raya nga mag-post it job advertisement nga naga-usoy imaw it babaye nga puwedeng maging kabit it anang asawa!
Suno sa kontrobersiyal nga misis nga si Pattheema Chamnan, naga-usoy imaw it “mistress” bangud nga mabuhay eon imaw nga owa nakikipaghieawas sa anang mister.
Nakokonsensiya imaw nga indi nana maitau ro mga “pisikal” nga kinahangeanon it anang asawa.
suno sa job advertisement nga gin-post ni Chamnan, kinahangean nga ro mga interesadong aplikante hay may “pleasing personality” ag “good communication skills”.
Mag-eowas kara, required man nga owa it unga ag masadyang ka-bonding ro aspiring kabit.
May suweldo nga 16,000 Baht ro makapasar nga kabit ag mag-eowas kara, libre ro board and lodging sa andang baeay sa Bangkok.
Naging viral ro job advertisement ni Chamnan ag maabu ro owa nagapati.
Gina-isip it iba nga raya hay sangka prank ukon joke.
Ro iba man hay ginabatikos ro misis bangud sa pag engganyo kara it adultery.
Matapos nga makabaton it pagpang-bash halin sa mga netizen, ginpaathag ni Chamnan nga may una imaw nga chronic depression ag gusto eamang nana nga may magbuyot sa anang kakueangan sa anang asawa.
Suno man sa mister ni Chamnan nga si Pattagorn, ginpahayag kara nga indi nana pagabalibaran ro babaying igakilaea kana it asawa.
Sa makaron hay nakapili eon halin sa pilang aplikante ro misis.
Raya hay sangka 33-anyos nga daeaga ag amiga mismo ni Chamnan.
