KALIBO, Aklan–Haum eon sa pagbukas it klase para sa School Year 2022-2023 ro mga eskwelahan sa bilog nga probinsya it Aklan nga maga-umpisa sa Agosto 22.
Suno kay Dr. Feliciano Buenafe Jr., Schools Division Superintendent it Department of Education (DepEd)-Aklan nga nagapabilin nga limitadong numero it estudyante ag grade level eamang ro pagapasugtan nga magpatigayun it in person classes.
Buot hambaeon kara, blended learning sa gihapon ro igapatuman.
Hin-aga, adlaw it Martes nakataeana sigon sanda nga magpueong kaibahan ro mga school heads para isapinal ro mga dapat ipatuman sa pagbukas it klase.
Ginpabugae man ni Dr. Buenafe nga naging madinaeag-on ro ginpatigayun nga ‘Brigada Eskwela’ pinaagi sa pagbueoligan it mga ginikanan, stakeholders ag lokal nga gobyerno.
Nasayuran nga nag-umpisa eon makaron nga adlaw ro Oplan Balik Eskwelahan Program it Department of Education.
