Kasunod it pag-arangkada it limited face to face classes sa mga pampublikong eskwelahan nga nag-umpisa ko Agosto 22, ginpasugtan eon man nga magbukas ag magbaton it mga estudyante ro mga Child Development Center sa bilog nga probinsya it Aklan nga maga-umpisa ro andang klase sa Setyembre 5.
Suno kay Jenelyn Itulid, social welfare officer II ag focal person it family and community and child development program it Provincial Social Welfare Development Office ukon PSWDO Aklan, mabahoe ro andang pagpasaeamat nga gintaw-an man it clearance ro early childhood centers nga magpatigayon it face to face classes ag activity considering nga ro andang ginacater nga mga onga hay naga-edad it daywa hasta ap-at nga dag-on nga uwa pa it bakuna kontra sa covid-19.
Bangud kara, ginapasiguro sigon nanda sa child development workers nga masunod it mga onga ro minimum health protocols bangud nga preparado man ro mga raya sa kagamitan kaparehas it thermal scanner, hand washing area ag hand sanitizer.
Raya eon suno kay Itulid ro tyempo nga mapun-an ro haeos daywang dag-on nga learning loss bangud sa pandemya.
