Ginpaathag it pamunuan it Aklan Electric Cooperative ukon Akelco nga sambilog ro animal intrusion sa mga rason kon ham-an it may mga unscheduled power interruption.
Mag-eowas kara suno kay general manager Atty. Ariel Gepty hay ro mga puno it kahoy nga nagasagi sa linya it kuryente.
Indi suno kana malikawan nga makaangkon it brown-out bangud nga inde man mapunggan ro pagsaka it sapat sa andang mga linya.
Kon inde sigon mag cut-out ro fuse hay may posibilidad nga masunog ag mas mabahoe pa ro magiging damage.
Bangud sa mabuhay eon nga panyempo nga nagaoperate ro pasilidad, nagaluma man ro mga kagamitan kon siin mabayluhan eamang raya kon makit-an kon anu ro samad.
Apang, uwa suno kana nagapabaya ro Akelco bangud nga sigidas ro pagrepair sa mga linya agud nga mataw-an it maayos ag nagakaigong serbisyo ro mga member-consumers
