Posibleng magbakae ro gobyerno it kaugalingon nanda nga petroleum products.
Raya ro ginpahayag ni DOE asec. Mario Marasigan, kun sa siin nagapanguna ro Philippine National Oil Company (PNOC) sa ginpatigayon nga pagtuon kon paalin nga makabulig ro gobyerno sa pag-stock it langis.
Apang ginklaru man it opisyal nga bukon it intensyon it DOE sa raya nga tikang nga makipagkompetensya sa mga oil company.// sa baylo, raya hay agud nga indi ma-delay ro supply it langis sa nasyon engkaso nga makaangkon it problema sa suplay sa international market.
Sa pihak nga parte, makaangkon it pagbawas sa presyo it mga produktong petrolyo hin-aga nga adlaw it martes.
Suno kay oil industry management bueau director rino abad nga nagahampang sa P2.70 to P3.00 ro bawas sa kada litro it gasolina samtang ro diesel hay may una nga hasta sa P1.20 to P1.50 ro igabawas sa kada litro kara.
Posible man nga makaangkon it masobra sa piso nga bawas sa presyo it kerosene.
Ginaturo nga rason it rollback hay ro pagbagsak it presyo it mga imported nga petrolyo sa world market.
Ro panibag-ong oil rollback hay matapos ro magkasunod nga domingo nga oil price increase.
Bangud kara, ro ginatawag nga year to date net increase makaron nga dag-on hay naga abot eon sa kabilugan nga P19.55 kada litro it gasolina; P37.80 sa kada litro it diesel ag P33.20 kada litro sa kerosene base sa datos it department of energy .
