Pasado alas-10:00 kabie tag makabalik sa nasyon si Pangueong Ferdinand Marcos Jr. maghalin sa anang inaugural state visit sa Indonesia nga ginsundan it pagderitso kara sa Singapore.
Ginsug-aeaw ro presidente nanday Vice President Sara Duterte, Executive Secretary Victor Rodriguez, Lt. Gen. Bartolome Vicente Bacarro (Chief of Staff, Armed Forces of the Philippines), Lt. Gen. Romeo S. Brawner Jr. (Commanding General, Philippine Army), MGen. Arthur M Cordura PAF (Vice Commanding General, Philippine Air Force), Rear Admiral Caesar Bernard Valencia (Vice Commander, Philippine Navy), Rep. Antonino Calixto (Lone District, Pasay City) ag Mayor Imelda Calixto-Rubiano (Pasay City).
Ginpakigbahan man it pangueo nga naging madinaeag-on ro anang byahe ag naka-uli it bilyon-bilyon nga investment pledges.
Pila man nga mga kasugtanan ro ginpirmahan it pangueo sa tunga it Indonesia ag Singapore.
Kaeakip eon kara ro memoranda of understanding (MOU) sa digital cooperation, data protection ag recruitment it Filipino healthcare workers.
Sa pihak nga parte,ginpermahan it Pilipinas ag Singapore ro pilang ka mga importante nga kasugtanan nga ginaeauman nga maging mapinuseanon sa daywang nasyon.
