Ginkumpirma ni Press Secretary Trixie Cruz-Angeles nga nagpanaog eon sa puwesto bilang Executive Secretary si Atty. Victor Rodriguez, kahapon adlaw it Sabado.
Ginpaguwa man it Malacanang ro pahayag, kasunod it mga ispekulasyon angot sa sitwasyon ni Rodriguez sa gabinete.
Una eon nga nag-eontad ro nasambit nga isyu ko nagtaliwan nga mga dominggo, apang nagapabilin sa gihapon ro sekretaryo sa ana nga opisina.
Sa kamatuorab, personal pa rayang nakigkita sa Malacanang Press Corps samtang ginapatigayon ro anang trabaho.
Apang makataliwan ro pilang adlaw, nag-imbestiga man ro Senado angot sa illegal Sugar Regulatory Order, para sa pag-angkat it kapin sa 300,000 metriko toneladang asukar, kung siin si Rodriguez ro ginabasoe it pilang senador.
Pauman-uman man ro pagdipensa it sekretaryo sa mga hearings nga gintambongan.
Sa ana man nga hiwalay nga pahayag nagpasaeamat si Rogruguez sa pagsalig it pangueo kana kasunod it anang kumpirmasyon nga magapabilin sa gihapon sa anang pagserbisyo sa nasyon bilang bag-ong presidential chief of staff.
Sa pihak nga parte, si Rodriguez hay naging abogado ag tagapaghambae ni Pangueong Ferdinand Marcos Jr., antes raya na-iliher nga presidente it Pilipinas.
