Uman nga gintaeana si Vice President Sara Duterte nga caretaker it nasyon samtang sa Estados Unidos si Pangueong Ferdinand “Bongbong” Marcos Jr. para magtambong sa ika-77 United Nations General Assembly (UNGA) sa New York.
Raya ro ginkumpirma ni Press Secretary Trixie Cruz-Angeles.
Raya eon man ro pangaywang kahigayunan nga gintaeana bilang officer-in-charge (OIC) si Vice President Sara.
Nauna eon kara ko nagtaliwan nga state visits sa Indonesia ag Singapore ni Pangueong Marcos ko Setyembre 4 hasta it 7, 2022.
Nakipagpueong man si Duterte sa mga head it security sector para paga-istoryahan kung paano mapabilin ro peace and order sa nasyon samtang sa ibang nasyon ro Pangueong Marcos.
Kung madumduman, bandang alas-8:00 it agahno kahapon tag eumupad pa-Estados Unidos ro Pangueo ag magabalik raya sa nasyon sa Setyembre 24.
