Aminado ro World Health Organization (WHO) nga makabig nga dramatiko ro pagnaba it numero it mga kaso it COVID-19 sa maabu nga mga nasyon.
Angot kara, nagpanawagan ro WHO sa bilog nga kalibutan nga panipuslan ro kahigayunan ngara nga wakasan eon ro pandemya.
Nagnaba sigon sa lowest level ro nailistang mga ginataman makaron it COVID kumpara kat mag-umpisa ro paglobo it numero ko Marso 2020.
Sa raya nga kahigayunan, ginpahayag it WHO nga nakikita eon nanda ro punta nga posibleng matapos eon ro COVID pademic.
Apang bukon raya it rason agud nga magpundo sa pagsukoe kundi nga mas kinahangean pang magdahan.
Ro makarondaya nga kahigayunan hay dapat nga panipuslan ag dasigan it mga nasyon agud nga indi magbalik sa dati nga maabu nga COVID variants, maabu ro nagakamatay ag grabe ro epekto sa kabuhi it mga tawo.
Kadungan sa pagnaba it COVID cases, naghaeuga man ro protocols bagay nga indi dapat abusuhon.
Indi maging kampante.
Maabu nga nasyon ro nagnaba man ro numero it mga nagapatigayon it testing ag owa eon it natumod nga mga seryosong kaso.
Maabu man nga pasyente nga owa eon it naireport.
Sundon pa naton ro mga protocols ag recommendations kontra sa virus.
Iya sa atong nasyon, optional eon lang ro face mask sa outdoor, apang mataeupangdan nga maabu sa gihapon ro nagasuksok kara nga makabig nga mas makabulig para sad ere-deretso nga paglikaw sa pagkalhit it COVID.
