KALIBO, Aklan—Gin-aprubahan it sangguniang bayan it Kalibo sa ginpatigayon nga session ro resolution ni SB member Matt Aaron Guzman nga nagahinyu sa Departmeng of Public Works and Highways ukon DPWH nga magtukod it footbridge sa Mabini St. sa prenti it Kalibo Pilot Elementary School.
Suno kay SB Guzman nga ro footbridge hay makabulig agud nga mapahagan-hagan ro paggutok it trapiko sa lugar ag magiging mas eowas ro mga commuters ag mga inunga nga estudyante nga kaeabanan nga nagatabok sa nasambit nga lugar nga makabig nga masako nga karsadahon.
Samtang, ginpahayag dugang nga raya hay makabig man nga mabahoe nga infrastructure project bilang preparasyon sa ginaduso nga cityhood it banwa it Kalibo.
Nagaeaum imaw nga mataw-an it katumanan ro nasambit nga proyekto kun sa siin may mga nagpromisa eon sigon nga magabulig kanda agud nga mapondohan.
