KALIBO, Aklan–Naeampasan it Department of Social Welfare and Development (DSWD)-Aklan ro target nga mga benepisyaryo sa ulihing adlaw it payout it educational assistance makaron nga adlaw it Sabado, Setyembre 24.
Suno kay Beverly Salazar, Provincial Link it DSWD-Aklan nga naga-abot sa 792 ro andang nataw-an it bulig pinansyal nga mas mataas kumpara sa target nga 736 beneficiaries.
Katumbas sigon raya it P1,998,000 nga haeos sakto eamang sa allocated budget para sa probinsya nga kapin sa P2 million.
Nag-umpisa sigon ro andang pagbaton it kliyente pasado alas-4:00 it aga-aga ag natapos ro payout it alas-3:30 it hapon.
Sa kabilugan, naging matawhay suno kana ro distribusyon apang may pila gihapon nga mga ginpaabot kanda nga reklamo kapareho it mga nagwalk-in maskin owa it nabaton nga text message ukon confirmation.
Nagpangayo man raya it pasaylo sa mga pumueoyo nga nakaparehistro online apang owa nakabaton it confirmation.
Nasayuran nga makaron nga adlaw ro katapusan nga Sabado it pagpanupod it educational assistance.
