Nagbaeay it sangka resolution si Aklan 2nd District Board member Jupiter Aelred Gallenero nga nagahinyu sa Provincial Health Office (PHO) ag Aklan Medical Society nga magtao it regular nga medical ag dental checkup sa mga Person Deprived of Liberty (PDL) sa Aklan Rehabilitation Center (ARC).
Tuyo kara nga matutukan ro ikaayong eawas it mga PDL nga kaeabanan nga owa nataw-an it atensyong medikal.
Ginpahayag ni Board member Gallenero nga nagpatigayun eon sanda it committee hearing kung sii nagpahayag man it kahauman ro mga resource person nga mabuligan ro nasambit nga mga indibidwal.
Nagapati ro opisyal nga mabahoe ro maibulig kara sa mga PDL eabi eon sa may ginabatyag nga baeatian.
Posible sigon nga ro ibang mga bueong hay sarang maitao it PHO.
