Nagtipun-tipon ro kapin sa 4,300 attendees kahapon, adlaw it Martes sa Tokyo, Japan para sa state funeral it longest-serving Prime Minister Shinzo Abe nga nagtaliwan matapos ma-assassinate ko nagtaliwan nga Hulyo samtang nagapangampaniya para sa eleksyon.
Kapin sa 700 foreign dignitaries maghalin sa 218 nasyon, regions ag international organizations ro nagtambong sa state funeral kaiabahan sanday U.S. Vice President Kamala Harris, Australian Prime Minister Anthony Albanese, Indian Prime Minister Narendra Modi ,South Korean Prime Minister Han Duck-soo ag Vice President Sara-Duterte Carpio.
Nataw-an man it kahigayunan ro publiko nga maghaead it bueak sa maeapit nga parke santang naging kontrobersyal man ro ginpatigayon ngan state funeral matapos ro ginlunsar nga hubeag protesta sa Tokyo ag iba pang lugar bangud sa mabahoe nga pondo nga ginamit maghalin sa kaban it mga pumueuyo ga ginatantyang kapin sa 1.7 billion yen ($12 million).
Naging hugot man ro ginpatuman nga seguridad sa nasambit nga eubong nga ginpatigayon sa Nippon Budokan kung siin kapin sa 20,000 police officers ro ginpakalhit sa Tokyo.
Nasayuran nga raya ro pangaywang kahigayunan sa kasaysayan it Japan nga nagtugyan it state funeral ro dating PM sa idaeom it presenteng Constitution kung siin ro unang state funeral hay ko nagtaliwa nga dag-on 1967 kay dating Prime Minister Shigeru Yoshida.
