KALIBO, Aklan–Temporaryo nga ginsaylo it Coast Guard Aklan ro tanan nga sea sports activity ag byahe it mga motorbanca sa isla it Boracay kasunod it epekto it Tropical Depression Maymay sa nasyon.
Suno kay Dominador Salvino, Deputy Station Commander of Coast Guard Aklan nga nagpagguwa sanda it sangka advisory kung siin nakabaehag nga ro tanan nga sea sports activity hay gintaeana anay sa likod nga portion it isla partikular sa Bulabod area.
Samtang, ro byahe it mga motorbanca patabok sa isla hay sa Tabon to Tambisaan area.
Angot kara, batyag eon man suno kana ro pagtaas it numero it mga turistang nagabisita sa Boracay ag ginaeauman nga mas pa rayang magbuhos samtang nagahilapit ro Christmas season.
Ginpasiguro man kara nga magadugang sanda it PCG personnel para magtao it hugut ag bastante nga seguridad sa mga turista.
