Kalibo Mayor Juris Sucro, ginpamalibaran nga magapadaeagan imaw sa mas mataas nga posisyon sa masunod nga eleksyon

KALIBO, Aklan—Ginpamalibaran ni Kalibo Mayor Juris Bautista-Sucro nga magapadaeagan imaw sa mas mataas nga posisyon sa masunod nga eleksyon.

Raya hay sa tunga it mga naga-eutaw nga balita nga magadaeagan imaw bilang kongresista.

Suno kana, masyado pa imaw nga bata para mag ambisyon it mas mataas nga posisyon sa gobyerno.

Gintaw-an man kara it punto nga maabu pa imaw nga dapat ayuson ag ubrahon sa Kalibo.

Nauna eon nga ginpaathag ni Mayor Sucro sa anang diskurso para sa anang ika-100 diyas sa pwesto nga pagahimuon nana ro tanan para sa pag-sueong it banwa apisar nga limitado ro pondo nga ginabuytan.