Mabaskog eon ro baealigyaan makaron it nagkaeain-eain nga klase it kandila matapos nga ginpakamayad it kaeabanan nga tempranuhan ro pag-adto sa panchon it andang mga pinalangga sa kabuhi.
Suno sa candle vendor nga si Vangie Vega, nakakaubos sanda it kapin sa napueong putos it nagkaeain-eain nga size it kandila kada adlaw.
Ginaeauman suno kana nga sa makarundaya nga tyempo hay mabakae ro kandila ag bueak bangud nga ginatinguhaan it kada isaea nga maskin papaano hay may anda nga daehon nga bueak ag isindi nga kandila sa sementeryo.
Mag-eowas sa kandila hay may baligya man imaw nga bueak ag mga dolse kon siin mabakae raya sa mga inonga nga daea it andang mga ginikanan sa pag-adto sa sementeryo.
Nakaangdan eon suno kana it mga pinoy ro tradisyon nga maskin anu kalisod it pagpangabuhi hay ginadumdom gid ro mga minatay.
