Ginpakigbahin it sangka evacuees ro anang naeksperyensyahan matapos nga ginsueong ro baha para eamang makauli sa anang pamilya sa Brgy. Bakhaw Sur, Kalibo.
Suno sa padre de pamilya nga si Charlie Inan, gintinguhaan nanda nga makabalik eagi sa banwa it Kalibo sakay it motorsiklo bangud nga nagaulikid imaw sa anang pamilya matapos masayuran nga soe-ob eon it tubi-baha ro andang barangay.
Apang, uwa man sigon gihapon sanda nakaeapos bangud sa madasig nga pagtubo it tubi ag uwa eon sanda ginpasugtan nga makaeapos pa.
Bangud kara, ginpakamayad eon lang nanda nga magpataliwan it gabie sa evacuation center kon siin naeksperyensyahan ro kaeamig ag gutom bangud sa kawad-an it pagkaon.
amtang sa pihak nga parte, ginkasubo man ni Enriquita Melgar it Sitio Libtong, Estancia ro gulpyadang pagsaka it tubi-baha kon siin ro andang mga sapat ro gin-una nga ginpasaka.
Ginpakamayad nanda nga gin-eowas it una ro andang kaugalingon kaysa sa andang mga kagamitan.
Sa pihak suno kana nga gintinguhaan nga salbaron ro andang mga sapat hay uwa gihapon it nahimo bangud sa sigidas nga pagtubo it tubo nga ginkinahang-ean eon nanda nga aywanan ro andang panimaeay
