Nakataeana man nga magamahae ro processed canned meat ag iba pang processed meat products, kapareho it hotdog, sausage ag longganisa sa mga supermarket.
Raya hay tuga it gindihon nga petisyon sa Department of Trade and Industry (DTI) it mga manufacturer nga nagahinyu it dugang nga presyo.
Ginkumpirma it Philippine Association of Meat Processors Incorporated (PAMPI) nga P1.50 hasta P2.00 ro hirit nanda nga price increase kada 150 grams.
Suno kay PAMPI Vice President Jerome Ong, ro mas mahae nga imported mechanically-deboned meat, paghina it piso ag giyera sa Ukraine ro nagduso kanda agud nga magtaas man ro presyo.
Daeahig man sigon sa price hike ro hotdog, sausage ag iba pang kaparehong produkto.
Samtang, ginpahayag ni DTI-Consumer Protection Group Officer-In-Charge Ann Claire Cabochan nga ginatun-an eon nanda ro petisyon it mga manufacturer.
