-- ADVERTISEMENT --
KALIBO, Aklan–Sigidas eon ro pagpatigayun it waea-tuo nga Halloween party it mga pumueoyo sa Hong Kong.
Raya hay sa pihak nga owa man naga-selebrar it piyesta minatay kada buean it Nobyembre ro mga Chinese.
Suno kay Bombo International Correspondent Mary Lou Bautista-Borra nga nauso sa rehiyon ro “trick or treat” kung siin nagasuksok it costume ro mga tawo ag nagapanupod it kendi.
Ginapreparahan sigon nanda ro okasyon pinaagi sa pagsuksok it bongga nga mga costume para sa Halloween theme.
Makahaeadlok apang masadya sigon ro okasyon bangud nagapartisipar ro kaabuan.
-- ADVERTISEMENT --
Owa sigon nauso sa mga Chinese ro pagsindi it kandila kada Nobyembre 1 ag 2 bangud sa ibang buean nanda ginapatigayun ro andang pagbisita sa mga sementeryo.
