Nagakasubo sa makaron ro pilang ka mga manugbaligya sa banwa it Kalibo partikular sa Kalibo Public Market bangud sa halit nga gin-aywan it nagtaliwan nga bagyong Paeng.
Suno sa sangka vendor nga si Josephine Zonio,residente it Libacao, AKlan nga pilang adlaw man antes nga imaw hay maka-agto sa Kalibo ag makabaligya sa uman.
Bangud sigon sa bagyo maabo nga nagapangunang daeanon sa banwa it Libacao ro nasamad ag hasta sa makaron hay malisod maagyan.
Apektado man sigon ro andang pilang mga produkto bangud sa pilang adlaw nga pagpundo it andang pagbuebaligya .
Kapin sa sang saku man sigon nga saging ro nasamad sa anang mga baligya bangud sa pilang adlaw karang pagpaiway it pagbaligya.
Sa pihak kara owa sigon sanda it mahimu kundi magbaligya sa gihapon apisar nga sambilog man sanda sa grabeng nahalitan it nasambit nga bagyo.
