KALIBO, Aklan—Nagapati ro maabu nga mga pumueuyu it Amerika nga uman nga magapadaeagan bilang pangueo it Estados Unidos si dating pangueong Donald Trump para sa 2024 presidential elections.
Apang suno kay Bombo International Correspondent Dr. Gabriel Ortigoza it California, USA nga kumpara dati hay bukon eon it masyadong popular si Trump.
Posibleng magiging hugut kara nga karibal nga maging kandidato it republicans sa pagkapangueo si Florida Governor Ron Desantis.
Sa makaron hay ginabantayan it publiko ro igapaguwa nga mabahoe nga anunsyo ni Trump sa Nobyembre 15.
Sa pihak nga parte, owa sigon it sin-o man nga democrats nga gustong magkontra sa uman nga pagpadaeagan ni US president Joe Biden.
Samtang, nagapabilin nga close fight ro midterm elections sa tunga it Republicans ag Democrats.
Determinado sigon ro Republicans nga mabawi ro kontrol sa Democrats sa kongreso ag senado kamana man nga mabali ro paeaabuton nga agenda ni Biden.
