Ninahan nga gindaea sa Aklan Provincial Hospital ro sangka eaeaki matapos nga gin-eabo it makapilang beses sa banwa it Kalibo partikular sa Poblacion Purok 6 C. Laserna St.
Ginkilaea ro biktima kay Gary Panagsagan, 31-anyos samtang ginkilaea man ro suspek kay Joven Flores, 29-anyos ag aprehong residente it nasambit nga lugar.
Sandig sa imbestigasyon it Kalibo PNP, bandang alas-10 it pang-orason kabi-e tag nabatian it biktima nga magakatueog eon kunta ro ilinaway it suspek ag ro kalive-in partner kara.
Sa katuyuan nga matapna ro sangag sa tunga it daywa hay nagpatunga ro biktima ag ginlaygayan ro daywa nga indi magsaeakitan.
Apang gulpi eamang nagboue ro suspek it sanduko ag gilayon nga gin-atake ro biktima.
Sa makaron, nagapabilin nga ginabueong sa ospital si Panagsagan matapos nga maka-angkon pa gid it pagbuno maghalin sa suspek.
Temporaryon mang nakakustodiya sa makaron sa Kalibo PNP Staton ro suspek para sa nagakaigo nga disposisyon.
