KALIBO, Aklan–Mabahoe nga kahalitan ro gin-aywan it nagtama nga bagyo sa Espanya eabi eon sa bahin it Valencia, Castellon ag Zaragoza.
Suno kay Bombo International Correspondent Maria Edzel Lamparero Lopez it Madrid, Spain nga eubos nga naapektuhan ro sektor it transportasyon partikular ro bus ag train bangud sa maeapnagon nga pagbaha.
Maabu man sigon nga mga byahe it eroplano ro nakansela bangud sa eain it panyempo.
Maskin ro mga pananom hay owa man nakaeuwas sa pagpanaeasa it mabaskog nga bagyo.
Samtang, nakalista man it sangka 17-anyos nga namatay sa bahin it Zaragoza matapos nga matumbahan it puno it kahoy.
Ginasugid nga raya ro pangatlo sa pinakamabaskog nga bagyong tumama sa nasyon halin ko 1980.
Sa pihak nga parte, eubos nga nagakabaeaka makaron ro mga pumueoyo sa pag-umpisa it tyempo it tag-eamig.
Sa makaron, naga-umpisa eon ro pagnaba it temperatura nga naga-abot sa 13 degrees celsius.//Ginaeauman nga mas pang maganaba raya pag-abot it Disyembre ag Enero.
