Nagapati si Atty. Axel Gonzales, sangka batikan nga abogado sa probinsya it Aklan nga maskin ano pa ro pagahimuon nga rason it suspendidong BuCor Director-General Gerald Bantag angot sa nadiskubrehan nga pagkutkot sa sueod it compound it New Bilibid Prison hay magapangatubang eon raya sa nagakaigo nga kaso.
Suno kay Atty. Axel Gonzales nga paniguradong magapangatubang si Bantag sa pag-eabag sa RA 319 ukon anti-graft and corrupt practices.
Una paeang sigon hay nag-eabag eon ro dating BuCor Director-General sa nasambit nga laye bangud sa paghimu it mga nagakaea-eain nga aktibidad sa sueod it pasilidad nga owa it nagakaigo nga kooperasyon maghalin sa mas mataas nga natungdan it gobyerno.
Hugot sigon nga gina dumilian ro paggamit sa mga propyedad it gobyerno sa kaugalingon nga interes.
Una eon nga gindipensahan ni Bantag ro alegasyon nga gintaeana ro nasambit nga pagkutkot para makahimu it sangka madaeom nga swimming pool bangud imaw hay sangka scuba diver.
Ginbulgar man ni Justice Secretary Jesus Crispin Remulla nga nagakutkot it Yamashita treasure sa sueod it compound it New Bilibid Prison si suspended Bureau of Corrections (BuCor) chief Gerald Bantag.
