KALIBO, Aklan–Ro lung cancer hay ro pinaka-common nga rason it cancer sa haeos bilog nga kalibutan.
Base sa datus, ro 5 year survival rate it sangka lung cancer patient hay 15 porsyento eamang.
Ginpahayag ni Dr. Rodney Valencia, sangka Internist-Pulmonologist nga mataas ro tyansa nga mamatay ro sangka indibidwal kung ulihi eon ro diagnosis it sakit partikular kung nahueog eon raya sa stage 4 cancer.
Kaabuan sigon sa mga nakakaangkon lung cancer hay naga-edad it 60 pataas apang indi man malikawan nga makaangkon kara ro una sa mas manaba nga edad.
Kapin sa 85 porsyento sigon it sakit hay bangud sa pagsigarilyo samtang may 10 porsyento nga halin raya sa ibang rason.
Importante sigon ro regular nga pagbisita sa doktor engkaso nga may mabatyagan sa eawas agud temprano pang masayuran ro kondisyon.
Indi eon sigon paghueaton nga mag-grabe pa ro ginabatyag nga sintomas ag sakit antes magpakonsulta.
Ro pag-amlig sa ikaayong eawas hay ro pinaka-importante nga mahimo para sa kaugalingon ag bilog nga pamilya.
