KALIBO, Aklan—Mas pang pagapabaskugon it Amerika ro andang commitments sa pagdepensa sa Pilipinas sa pagbisita ni US Vice President Kamara Harris sa nasyon.
Raya ro panan-awan ni dating sangguniang panlalawigan member Atty. Harry Sucgang.
Ginpahayag dugang nga ginataw-an man it importansiya sa nasambit nga pagbisita ro alyansa it daywang nasyon agud nga mapabilin ro kalinong ag stabilidad sa West Philippine Sea.
Raya hay kasunod it gina-obra nga pagpang-bully it mga mabahoe nga nasyon partikular it China sa Pilipinas sa isyu it agawan it teritoryo.
Sa pihak nga parte, ginpahayag ni Atty. Sucgang nga manami man nga kahigayunan ro makasaysayan nga pagbisita ni Harris sa Palawan agud makabo-oe it first-hand information.
Pinaagi kara hay mapabaskog ro promisa it US nga mabuligan ro nasyon nga maduso ro international law ag patakaran ukon hilway nga pag-eayag sa West Philippine Sea ag owa it sab-eag nga komersiyo.
Nasayuran nga si Harris hay magabisita sa Nobyembre 22 sa Puerto Princesa City, kun sa siin makikipagkita imaw sa civil society leaders, mga residente, ag representante it Philippine Coast Guard bilang kaparte it anang official trip sa Pilipinas.
Kaibahan sa paga-istoryahan ro climate change ag illegal nga pagpangisda.
Madumduman nga pilit nga gina aku it China ro Kalayaan Island Group nga kaparte it Spratly Islands.
Si Harris hay nag abot sa nasyon ko adlaw it Domingo.
